વિચારો તારાં, દિલમાં પ્રવેશે છે ક્યારેક,
ને દિલનાં ઉપવન ને રડાવે છે ક્યારેક…
મુલાકાત એ પહેલી કેવી તારી ને મારી,
વર્ષોની તે ચાહત યાદ અપાવે છે ક્યારેક…
તને સ્પર્શીને સુગંધીત થયેલો પવન,
તારી મહેંક લઈ આવે મસ્તીમાં ક્યારેક…
તારું એ હાસ્ય, તારાં એ લજ્જીત મીઠાં બોલ્,
તારાં પ્રેમનું રહસ્ય મને સમજાવે છે ક્યારેક…
તારી એ છટા, વળી એ સાદગી ભરી અદા,
મહેફિલોનાં પ્રાણ એ સજાવે છે ક્યારેક
વરસાદમાં ભીંજાતી એ રંગીન છબી તારી,
મેઘધનુષ્યનાં કમાલ સમજાવે છે ક્યારેક…
તારા કેશનો અંધકાર્, તારી આંખનો ઉજાશ,
દિવસ રાતનો ભેદ પણ ભુલાવે છે ક્યારેક…
તારી હાજરીમાં અનુભવાતી એ ટાઢક,
પુનમ ચંદ્રની ચાંદની ભુલાવે છે ક્યારેક…
પ્રેમ આપણો સફળ થતાં થતાં - ના થયો,
નિષ્ફળતા કારમી તે સતાવે છે ક્યારેક…
તને પ્રેમ કરવાની એ મારી નાનેરી ભુલ,
યાદ આવે ને આંખે ઉમટે દરિયો ક્યારેક...
No comments:
Post a Comment