તું યાદ આવશે

‘હું તો શબ્દોનો ઝંકાર, સાતે સૂર તણો તલસાટ,
જાણે કાવ્ય તણો ઉન્માદ, હું તો ગીતોનો વરસાદ.’

જોઈ લઈશ હું કંઈક તુજ, તું યાદ આવશે.
બસ શ્વાસ શ્વાસ શ્વસું અને તું યાદ આવશે.
ક્યારેક આંખમાં પ્રિયે શ્રાવણ... આવશે.
ઝરમર બધાંએ અશ્રુનો વરસાદ આવશે.
આખાય ઘરમાં એકલી, તું... યાદ આવશે.
હર ક્ષણ હતી તું શોધતો, બસ યાદ આવશે.
ક્યારેક સ્મરણો ‘ભૂલતાં’ તું યાદ આવશે.
દેખીશ ત્હારી કો’ સ્મૃતિ – બસ યાદ આવશે.
પગરવ થશે કો’ સ્વપ્નમાં ને, યાદ આવશે.
જડશે નહિ કો’ ચીજ, ત્યાં તું યાદ આવશે.

‘ચરણરજ હું નમું લેવા, તમે આકાશ થઈ ઉભા,
અમે મળવા બન્યા તારક, તમે બ્રહ્માંડ થઈ બેઠા.’