યાદમાં અટવાય છે, કારણ વગર
વરસ્યો મેઘ… કોઈ
કારણ હશે ?
કેમ મારું મન અધીરું થાય છે કારણ વગર ?
લાગે છે, તું યાદમાં અટવાય છે કારણ વગર.
તું હૃદયમાં એમ ફરકી જાય છે કારણ વગર,
જેમ નભમાં વીજળી ચમકાય છે કારણ વગર.
એમ તો, શોધી મળે નહીં ક્યાંય તું આયાસથી,
ને કદી કણકણમાં તું દેખાય છે કારણ વગર.
કેટલી કોશિશ કરું – તું યાદ નહીં આવે મને !
…પણ છતાંયે ધ્યાન લાગી જાય છે કારણ વગર.
મેં તને પૂરી કવનનાં શબ્દમાં મોઘમ, સખી !
તોયે આવી ટેરવે ટકરાય છે કારણ વગર...
No comments:
Post a Comment